مشكله جديده

موضوع: مشكله جديده الإثنين فبراير 23, 2009 10:12 am

بسم الله الرحمن الرحيم

انا هتكلم النهاردا عن مشكله عامه انا من وجهه نظري باعتبرها مشكله وهي علاقه الشباب بابوهم وبامهم زمان كنا نسمع ان الاب دا حاجه صعبه مش ينفع اصلا انك ترفع عينك وانت بتتكلم معاه وكان في احترام رهيب ليه وللام كمان بس انهاردا الحال اختلف في معملت الاب والام مش عارف ليه كده ؟هو اكيد في احترام لازم بس مش زي زمان انا عايز اعرف ليه ايه الي اختلف وليه ديما في مشاكل بين الاب وابنه او بنته بجد اكيد كل واحد مننا ليه مشكله مع امه او ابوه بس ليه كده بجد في ناس اصحابي كتير بيشتكوا من كده عشان كده انا كتبت الموضوع دا عشان اعرف ليه ديما في مشاكل وليه مش نفكر احنا ونحاول نحل المشاكل ديت .

ولو في خلاف مين الي صح ابوك ولا انت ؟ انت من وجهه نظرك صح وابوك شايف اكيد ايه الصح وايه الغلط

بس انا شايف ان في مشكله بس ممكن نحاول نفكر ليه ديما ابوك وابويه شيفين ديما ان هما صح رغم ان الزمن اتغير ؟

انا بجد حاسس ان ديت مشكله وحولت اتكلم معاكوا فيها بس

والله الواحد مش عارف يقول ايه ؟؟
الواحد ساعات يلاقى باباه تمام اوى معاه
وساعات يحس انه دايما مختلف معاه
فى حاجات كتير
بس ساعتها بقى فعلا انت اللى صح ولا هوا ؟؟
تفكيرك طبعا غير تفكيره
بس اللى معروف ولازم تكون عارفه
ان ابوك اكيد عارف مصلحتك كويس
واللى اكبر منك بيوم يعرف عنك بسنه
بس دى برضه مش دايما
المهم ان اى حاجه بتتحل
المهم انك تتناقش معاه وتحاولوا توصلوا لحل
مش تتعصب بقى وتقوله والله مانا قاعد فيها
وتعمل نفسك راجل وتسيب البيت

بجد موضوع تحفه
فعلا مشكله تستحق الرد عليها
والنقاش فيها
Thanks Crazy Boy

والله معاك حق كريزى فعلا
دى تعتبر مشكله من مشكلات العصر
بس أنا من رأى أن زمان كان وقت
وكان جيل مختلف عننا وكل جيل وليه مشكله
بس أنت كلامك صح فعلا أحنا قليل أوى لما نكون
متفقين مع أهالينا فى حاجه ويمكن بنتفق معاهم
لما نلاقى رأيهم نفس أل عاوزين نسمعه أوفات تحس ان
وجهه نظرك وتفكيرك هو الصح ومن ناحيه تانيه نقول أكيد
هما عارفين مصلحتنا أكتر بس أحنا بنعاند وبناخد المسأله عند
بس أكيد فى الاخرلازم نتفاهم معاهم ونقدر خوفهم علينا

وفعلا زى ما كازنوفا قال الموضوع بجد يستحق النقاش الجاد
موضوع فعلا مهم ويستاهل الرد والتقدير لان دول أهالينا
تسلم أيديك يا كريزى

ايه ياعم السيد الكلام الكبير ده
فعلا المشكله دى مشكله موجوده فى كل البيوت
والناس كلها بتعانى منها
بس هى مش هتتحل الا بالنقاش فعلا
بس النقاش ده ممكن يوصلنا لطريق مسدود
لان زى ماقال كازانوفا
هو الاب دايما شايف مصلحه ابنه
بس ابنه شايفها بطريقه مختلفه
وكل واحد وتفكيره
بس هى مش هتتحل الا بأب مواكب العصر
دماغه كبيره
وابن مطيع

بس بجد تسلم دماغك ياسيد
انك اتكلمت فى الموضوع ده

بجد مرسي وشكرا علي الرد بتاع نداء واحمد وكازانوفا بجد شكرا

معاك حق الموضوع كبير وموش سهل

وبيحصل خلافات كتير بس الحمدلله

احنا اهالينا بيقدروا يتفاهموا معانا

وبيجلوا معانا اى مشكله مهما كانت

تسلم عالموضوع ياكريزى

» الصاحــــــــب المصلحه مشكله تهم كل انسان
» نكت جديده فى غايه الروعه....
» مكتبه جديده للألعاب الموبيل جامده