شم النسيم

موضوع: شم النسيم السبت أبريل 11, 2009 5:26 pm

طبعا يا جماعه
خلاص شم النسيم قرب
يعنى الفسيخ ayy

والبيض الملون wasaaaaa

وطبعا الكل هيروح المصايف وهيبقى مبسوط وريحته حـــــــــــــلوه
139

ودلوقتى جه الوقت اللى نتكلم فيه عن شم النسيم
5148648

النسيم هو واحد من أعياد مصر الفرعونية،وترجع بداية الاحتفال به إلى ما يقرب من خمسة آلاف عام، أي نحو عام (2700 ق.م)، وبالتحديد إلى أواخر الأسرة الثالثة الفرعونية ويحتفل به الشعب المصري حتي الآن
وإن كان بعض المؤرخين يرون أن بداية الاحتفال به ترجع إلى عصر ما قبل الأسرات، ويعتقدون أن الاحتفال بهذا العيد كان معروفًا في مدينة "هليوبوليس" ومدينة "أون".
وترجع تسمية "شم النسيم" بهذا الاسم إلى الكلمة الفرعونية "شمو"، وهي كلمة مصرية قديمة لها صورتان:
وهو عيد يرمز – عند قدماء المصريين – إلى بعث الحياة، وكان المصريون القدماء يعتقدون أن ذلك اليوم هو أول الزمان، أو بدأ خلق العالم كما كانوا يتصورون.
وقد تعرَّض الاسم للتحريف على مرِّ العصور، وأضيفت إليه كلمة "النسيم" لارتباط هذا الفصل باعتدال الجو، وطيب النسيم، وما يصاحب الاحتفال بذلك العيد من الخروج إلى الحدائق والمتنزهات والاستمتاع بجمال الطبيعة.
وكان قدماء المصريين يحتفلون بذلك اليوم في احتفال رسمي كبير فيما يعرف بالانقلاب الربيعي، وهو اليوم الذي يتساوى فيه الليل والنهار، وقت حلول الشمس في برج الحمل. فكانوا يجتمعون أمام الواجهة الشمالية للهرم – قبل الغروب –؛ ليشهدوا غروب الشمس، فيظهر قرص الشمس وهو يميل نحو الغروب مقتربًا تدريجيًّا من قمة الهرم، حتى يبدو للناظرين وكأنه يجلس فوق قمة الهرم.
وفي تلك اللحظة يحدث شيء عجيب، حيث تخترق أشعة الشمس قمة الهرم، فتبدو واجهة الهرم أمام أعين المشاهدين وقد انشطرت إلى قسمين.
وما زالت هذه الظاهرة العجيبة تحدث مع مقدم الربيع في الحادي والعشرين من مارس كل عام، في الدقائق الأخيرة من الساعة السادسة مساءً، نتيجة سقوط أشعة الشمس بزاوية معينة على الواجهة الجنوبية للهرم، فتكشف أشعتها الخافتة الخط الفاصل بين مثلثي الواجهة اللذين يتبادلان الضوء والظلال فتبدو وكأنها شطران.
وقد توصل العالم الفلكي والرياضي البريطاني "بركتور" إلى رصد هذه الظاهرة، وتمكن من تصوير لحظة انشطار واجهة الهرم في عام 1920م، كما استطاع العالم الفرنسي "أندريه بوشان" – في عام 1934م – تسجيل تلك الظاهرة المثيرة باستخدام الأشعة تحت الحمراء.

وطبعا يا جماعه المنتديات كلها مليانه كلام عن شم النسيم
ولقيت موضوع كوميدى جدا حبيت اجيبه ليكم وتقولوا رأيكم ايه ؟؟

بيض شم النسيم

طبعا قربنا علي شم النسيم

والكل عارف ان في مصر بنحتفل بيه

وبنعتبره عيد الربيع

وبيزيد فيه اوي اكل الفسيخ والبيض

معرفش ليه الفسيخ والبيض بالزات

لكن دا اللي بيحصل

ما علينا

روحت اشتري بيض عشان اجهزة لشم النسيم

والونه بالالوان الحلوة اللي اتعودنا عليها من صغرنا

لقيت البيض كله خلص

ومفضلش غير بيضه واحدة بس

وفي اتنين بيتخانقوا عليها

الاتنين دول قالوا نلعب بالبيضة لعبة السله

كرة السله يعني محدش يروح لبعيد بفكره

واللي يغلب فيهم تبقي البيض من حقه

انا فضلت اتفرج عليهم وطبعا وانا متغاظ منهم

عشان نفسي اخد البيضه والونها عشان شم النسيم

وهما بيلعبوا روحت جبت صورتهم وهما بيلعبوا بالبيضه

شوفو الصورة عامله ازاي

تفتكروا مين اللي كسب في الاخر وفاز بالبيضه ؟؟

ناس هتقول البطة ؟

ناس تقول الارنب ؟

هقولكم صح

اللي فاز بيها

هو

الارنب اخد البيضه وطلع يجري زي ما شوفتوه ...

تخيلوا ايه اللي حصل له وهو بيجري بيها ؟؟

دا اللي حصله يا عيني

طبعا البيضه وقعت منه

قولت الحقها واخدها انا

ويا لهول ما رأيت بعيناي

شوفت حاجة رهيبه

شوفت البيضه وهي ....

لالا مش قادر اقول

لالا مضطر اقول

شوفت البيضه وهي ...

بتفقس

تخيلوا طلع منها ايه ...؟؟؟

دا اللي طلع منها ....

وطبعا ياجماعه انا كل ما ادخل على موقع ألاقى نفس القصه وعضو مختلف بيقول انا اللى مألفها
هههههههههههههههههههههههههه sosa

يتبع

موضوع: رد: شم النسيم السبت أبريل 11, 2009 5:32 pm

ودا موضوع تانى
تقريبا فيه كل المعلومات عن شم النسيم

عيد شم النسيم من أعياد الفراعنة، ثم نقله عنهم بنو إسرائيل، ثم انتقل إلى الأقباط بعد ذلك، وصار في العصر الحاضر عيداً شعبياً يحتفل به كثير من أهل مصر من أقباط ومسلمين وغيرهم.

كانت أعياد الفراعنة ترتبط بالظواهر الفلكية، وعلاقتها بالطبيعة، ومظاهر الحياة؛ ولذلك احتفلوا بعيد الربيع الذي حددوا ميعاده بالانقلاب الربيعي، وهو اليوم الذي يتساوى فيه الليل والنهار وقت حلول الشمس في برج الحمل.
ويقع في الخامس والعشرين من شهر برمهات –وكانوا يعتقدون أن ذلك اليوم هو أول الزمان، أو بدء خلق العالم.

وأطلق الفراعنة على ذلك العيد اسم (عيد شموش) أي بعث الحياة، وحُرِّف الاسم على مر الزمن، وخاصة في العصر القبطي إلى اسم (شم) وأضيفت إليه كلمة النسيم نسبة إلى نسمة الربيع التي تعلن وصوله.
يرجع بدء احتفال الفراعنة بذلك العيد رسمياً إلى عام 2700 ق.م أي في أواخر الأسرة الفرعونية الثالثة، ولو أن بعض المؤرخين يؤكد أنه كان معروفاً ضمن أعياد هيليوبوليس ومدينة (أون) وكانوا يحتفلون به في عصر ما قبل الأسرات.

مظاهر الاحتفال به
يخرج المحتفلون بعيد شم النسيم جماعات إلى الحدائق والحقول والمتنـزهات؛ ليكونوا في استقبال الشمس عند شروقها، وقد اعتادوا أن يحملوا معهم طعامهم وشرابهم، ويقضوا يومهم في الاحتفال بالعيد ابتداء من شروق الشمس حتى غروبها، وكانوا يحملون معهم أدوات لعبهم، ومعدات لهوهم، وآلات موسيقاهم، فتتزين الفتيات بعقود الياسمين (زهر الربيع)، ويحمل الأطفال سعف النخيل المزين بالألوان والزهور، فتقام حفلات الرقص الزوجي والجماعي على أنغام الناي والمزمار والقيثار، ودقات الدفوف، تصاحبها الأغاني والأناشيد الخاصة بعيد الربيع، كما تجري المباريات الرياضية والحفلات التمثيلية.
كما أن الاحتفال بالعيد يمتد بعد عودتهم من المزارع والمتنـزهات والأنهار إلى المدينة ليستمر حتى شروق الشمس سواء في المساكن حيث تقام حفلات الاستقبال، وتبادل التهنئة أو في الأحياء والميادين والأماكن العامة حيث تقام حفلات الترفيه والندوات الشعبية.

أطعمة هذا العيد

كان لشم النسيم أطعمته التقليدية المفضلة، وما ارتبط بها من عادات وتقاليد أصبحت جزءاً لا يتجزأ من الاحتفال بالعيد نفسه، والطابع المميز له والتي انتقلت من الفراعنة عبر العصور الطويلة إلى عصرنا الحاضر.
وتشمل قائمة الأطعمة المميزة لمائدة شم النسيم: (البيض-والفسيخ-والبصل-والخس-والملانة)
وقد أخذ كثير ممن يحتفلون بأعياد الربيع في دول الغرب والشرق كثيراً من مظاهر عيد شم النسيم ونقلوها في أعيادهم الربيعية.

بيض شم النسيم

يعتبر البيض الملون مظهراً من مظاهر عيد شم النسيم، ومختلف أعياد الفصح والربيع في العالم أجمع، واصطلح الغربيون على تسمية البيض (بيضة الشرق).
بدأ ظهور البيض على مائدة أعياد الربيع –شم النسيم- مع بداية العيد الفرعوني نفسه أو عيد الخلق حيث كان البيض يرمز إلى خلق الحياة، كما ورد في متون كتاب الموتى وأناشيد (أخناتون الفرعوني).
وهكذا بدأ الاحتفال بأكل البيض كأحد الشعائر المقدسة التي ترمز لعيد الخلق، أو عيد شم النسيم عند الفراعنة.
أما فكرة نقش البيض وزخرفته، فقد ارتبطت بعقيدة قديمة أيضاً؛ إذ كان الفراعنة ينقشون على البيض الدعوات والأمنيات ويجمعونه أو يعلقونه في أشجار الحدائق حتى تتلقى بركات نور الإله عند شروقه –حسب زعمهم- فيحقق دعواتهم ويبدأون العيد بتبادل التحية (بدقة البيض)، وهي العادات التي ما زال أكثرها متوارثاً إلى الآن –نعوذ بالله من الضلال-.

أما عادة تلوين البيض بمختلف الألوان وهو التقليد المتبع في جميع أنحاء العالم، فقد بدأ في فلسطين بعد زعم النصارى صلب اليهود للمسيح –عليه السلام- الذي سبق موسم الاحتفال بالعيد، فأظهر النصارى رغبتهم في عدم الاحتفال بالعيد؛ حداداً على المسيح، وحتى لا يشاركون اليهود أفراحهم. ولكن أحد القديسين أمرهم بأن يحتفلوا بالعيد تخليداً لذكرى المسيح وقيامه، على أن يصبغوا البيض باللون الأحمر ليذكرهم دائماً بدمه الذي سفكه اليهود.
وهكذا ظهر بيض شم النسيم لأول مرة مصبوغاً باللون الأحمر، ثم انتقلت تلك العادة إلى مصر وحافظ عليه الأقباط بجانب ما توارثوه من الرموز والطلاسم والنقوش الفرعونية.
ومنهم انتقلت عبر البحر الأبيض إلى روما، وانتشرت في أنحاء العالم الغربي النصراني في أوربا وأمريكا، وقد تطورت تلك العادة إلى صباغة البيض بمختلف الألوان التي أصبحت الطابع المميز لأعياد شم النسيم والفصح والربيع حول العالم.

الفسيخ السمك المملح

ظهر الفسيخ، أو السمك المملح من بين الأطعمة التقليدية في العيد في الأسرة الفرعونية الخامسة عندما بدأ الاهتمام بتقديس النيل: نهر الحياة، (الإله حعبى) عند الفراعنة الذي ورد في متونه المقدسة عندهم أن الحياة في الأرض بدأت في الماء ويعبر عنها بالسمك الذي تحمله مياه النيل من الجنة حيث ينبع –حسب زعمهم-.
وقد كان للفراعنة عناية بحفظ الأسماك، وتجفيفها وتمليحها وصناعة الفسيخ والملوحة واستخراج البطارخ –كما ذكر هيرودوث [هو مؤرخ إغريقي اعتنى بتواريخ الفراعنة والفرس، وفاته كانت 425 قبل الميلاد كما في الموسوعة العربية الميسرة (2/1926)] فقال عنهم: "إنهم كانوا يأكلون السمك المملح في أعيادهم، ويرون أن أكله مفيد في وقت معين من السنة، وكانوا يفضلون نوعاً معيناً لتمليحه وحفظه للعيد، أطلقوا عليه اسم (بور) وهو الاسم الذي حور في اللغة القبطية إلى (يور) وما زال يطلق عليه حتى الآن.

بصل شم النسيم

ظهر البصل ضمن أطعمة عيد شم النسيم في أواسط الأسرة الفرعونية السادسة وقد ارتبط ظهوره بما ورد في إحدى أساطير منف القديمة التي تروى أن أحد ملوك الفراعنة كان له طفل وحيد، وكان محبوباً من الشعب، وقد أصيب الأمير الصغير بمرض غامض عجز الأطباء والكهنة والسحرة عن علاجه، وأقعد الأمير الصغير عن الحركة، ولازم الفراش عدة سنوات، امتُنِع خلالها عن إقامة الأفراح والاحتفال بالعيد مشاركة للملك في أحزانه.
وكان أطفال المدينة يقدمون القرابين للإله في المعابد في مختلف المناسبات ليشفى أميرهم، واستدعى الملك الكاهن الأكبر لمعبد آمون، فنسب مرض الأمير الطفل إلى وجود أرواح شريرة تسيطر عليه، وتشل حركته بفعل السحر.
وأمر الكاهن بوضع ثمرة ناضجة من ثمار البصل تحت رأس الأمير في فراش نومه عند غروب الشمس بعد أن قرأ عليها بعض التعاويذ، ثم شقها عند شروق الشمس في الفجر ووضعها فوق أنفه ليستنشق عصيرها.
كما طلب منهم تعليق حزم من أعواد البصل الطازج فوق السرير وعلى أبواب الغرفة وبوابات القصر لطرد الأرواح الشريرة.

وتشرح الأسطورة كيف تمت المعجزة وغادر الطفل فراشه، وخرج ليلعب في الحديقة وقد شفى من مرضه الذي يئس الطب من علاجه، فأقام الملك الأفراح في القصر لأطفال المدينة بأكملها، وشارك الشعب في القصر في أفراحه، ولما حل عيد شم النسيم بعد أفراح القصر بعدة أيام قام الملك وعائلته، وكبار رجال الدولة بمشاركة الناس في العيد، كما قام الناس –إعلاناً منهم للتهنئة بشفاء الأمير- بتعليق حزم البصل على أبواب دورهم، كما احتل البصل الأخضر مكانه على مائدة شم النسيم بجانب البيض والفسيخ.

ومما هو جدير بالذكر أن تلك العادات التي ارتبطت بتلك الأسطورة القديمة سواء من عادة وضع البصل تحت وسادة الأطفال، وتنشيقهم لعصيره، أو تعليق حزم البصل على أبواب المساكن أو الغرف أو أكل البصل الأخضر نفسه مع البيض والفسيخ ما زالت من العادات والتقاليد المتبعة إلى الآن في مصر وفي بعض الدول التي تحتفل بعيد شم النسيم أو أعياد الربيع.

خس شم النسيم

كان الخس من النباتات التي تعلن عن حلول الربيع باكتمال نموها ونضجها، وقد عرف ابتداء من الأسرة الفرعونية الرابعة حيث ظهرت صوره من سلال القرابين التي يقربونها لآلتهم من دون الله –تعالى- بورقه الأخضر الطويل وعلى موائد الاحتفال بالعيد، وكان يسمى الهيروغليفية (حب) كما اعتبره الفراعنة من النباتات المقدسة الخاصة بالمعبود (من) إله التناسل، ويوجد رسمه منقوشاً دائماً تحت أقدام الإله في معابده ورسومه –تعالى الله عن إفكهم وشركهم-.

حمص شم النسيم

هي ثمرة الحمص الأخضر، وأطلق عليه الفراعنة اسم (حور –بيك) أي رأس الصقر لشكل الثمرة التي تشبه رأس حور الصقر المقدس عندهم.

وكان للحمص –كما للخس- الكثير من الفوائد والمزايا التي ورد ذكرها في بردياتهم الطبية.
وكانوا يعتبرون نضج الثمرة وامتلاءها إعلاناً عن ميلاد الربيع، وهو ما أخذ منه اسم الملانة أو الملآنة.
وكانت الفتيات يصنعن من حبات الملانة الخضراء عقوداً، وأساور يتزين بها في الاحتفالات بالعيد، كما يقمن باستعمالها في زينة الحوائط ونوافذ المنازل في الحفلات المنـزلية.

ومن بين تقاليد شم النسيم الفرعونية القديمة التزين بعقود زهور الياسمين وهو محرف من الاسم الفرعوني القديم (ياسمون) وكانوا يصفون الياسمين بأنه عطر الطبيعة التي تستقبل به الربيع، وكانوا يستخرجون منه في موسم الربيع عطور الزينة وزيت البخور الذي يقدم ضمن قرابين المعابد عند الاحتفال بالعيد.

يتبع

موضوع: رد: شم النسيم السبت أبريل 11, 2009 5:38 pm

ودلوقتى جه وقت البيض
يعنى احلى حاجة فى العيد دا
hende

والله العظيم انا لو عندى بيض بالمنظر دا
لكون محنطه وما هخلى حد يمد أيده عليه ابدا
واه لو عرفت ان حد مسكه
هكون قاطعله أيده اللى مسكهم بيها

budo

ولو وصل بيا الأمر هعمل ليهم صندوق أزاز شفاف وعليه جرس انذار

girlwerewolf

يتبع

موضوع: رد: شم النسيم السبت أبريل 11, 2009 7:07 pm

ايه يا شباب تعبتوا دا أحنا لسه فى أولها
امال هتعملوا ايه لما اخل بالفطير المشلتت والبصل
أجمدوا متفضحوناش

يلا بقى ناخد جوله مع بقيت البيض
على ما الفطير يستوى

ياملونين البيض فى شـــــم النسيـم
لون الحنين والشوق وخمـر النديم
ماتعرفوش سايـــــق علـيكو النبى
تلونوا الأيــــــــــام بلـون النعيم ؟
عجبى

عجبانى اوى البيضه الضاربه اللى فى وسطهم دى
انا هديها لكزانوفا
بالهنا والشفا
akhh

بيض زى الفل
صبغه أصلى

هو فى بيض كدا
دا ايه الحلاوه دى

وســـــــــــــــــــــــــــــــــــــــــــــــــــع
أوعى السريع ... كله يوسع للخطير

wasaaaaa

انا بجد نفسى اكل فطير

ويا سلام بقى لو نغمس الفطير فى العسل
110

دا انا مستنى الكلام دا كله
بس شم النسيم ييجى hobaa

وانتوا مش هتلاقونى إلا فى المطبخ
هههههههههههههههههههههههههههههههههههههه

بس كل دا على الفطار

لسه بقى الغداء
يعنى الفسيخ والبصل
ayy

انا مردتش أكتر فى الفسيخ عشان عارف انكوا بتحبوه

اه .. بتحبوه اوى 138

بصوا
خلونا فى البصل

وبكدا انا خلصت كل اللى عندى
بس ناقص حاجة

البيض دا
لكل الشباب اللى فى المنتدى 115

اما البيض دا بقى
لكل البنوتات اللى فى المنتدى 6564

ااااااااى .. أقصد hende

والبيضه دى بقى لكزانوفا شخصيا
بدل البيضه الضاربه اللى فوق dont mention

**بيضه ازاز **
ههههههههههههههههههههههه

وكل سنه وانتوا طيبين
واتمنى الموضوع يعجبكم
give rose

موضوع: رد: شم النسيم الأحد أبريل 12, 2009 1:11 pm

توبيك جامد جامد
وانت تعبت فيه خالص ياحماده akh

بس حلوه هى قصه البيضه دى ..!!
ومؤلف القصه الحقيقى ازاى سايبهم يلعبوا كدا ..!! argue2

وجميل صور البيض والفطير والفسيخ كمان ..!!
وهو فعلا توبيك جميل اخر حاجه ..!!

تسلم ياجامد

a7med

موضوع: رد: شم النسيم الأحد أبريل 12, 2009 3:40 pm

بجد والله هو توبيك جامد يا حمادة
وانت ما سبتش حاجة عن شم النسيم ما اكلمتش فيها
تسلم ايدك يا حماددة
وبصراحة هما احلى يومين بقضيهم فى السنة كلها والله هما اليومين بتوع شم النسيم

موضوع: رد: شم النسيم الإثنين أبريل 13, 2009 10:22 am

ههههههههههههههههههه
ايه ياعم الحلاوه دى
انت واد جامد
تسلم ايدك
الموضوع دا شامل فعلا شم النسيم كله
مفيش حاجه ناقصه خالص
بجد مجهودك تحفه ياحماده

موضوع: رد: شم النسيم الثلاثاء أبريل 14, 2009 1:31 pm

C.U.P.I.D كتب:: توبيك جامد جامد
وانت تعبت فيه خالص ياحماده

بس حلوه هى قصه البيضه دى ..!!
ومؤلف القصه الحقيقى ازاى سايبهم يلعبوا كدا ..!!

وجميل صور البيض والفطير والفسيخ كمان ..!!
وهو فعلا توبيك جميل اخر حاجه ..!!

تسلم ياجامد

a7med

ألف شكر يا أبو حميد على ردك الجامد دا
وانت الوحيد اللى حاسس بيا الله فى المنتدى دا

تايكو كتب:: بجد والله هو توبيك جامد يا حمادة
وانت ما سبتش حاجة عن شم النسيم ما اكلمتش فيها
تسلم ايدك يا حماددة
وبصراحة هما احلى يومين بقضيهم فى السنة كلها والله هما اليومين بتوع شم النسيم

ميرسى ليك يا تايكو باشا
ويارب شم النسيم السنه دى يبقى احلى من اللى قبله

kazanovA كتب:: ههههههههههههههههههه
ايه ياعم الحلاوه دى
انت واد جامد
تسلم ايدك
الموضوع دا شامل فعلا شم النسيم كله
مفيش حاجه ناقصه خالص
بجد مجهودك تحفه ياحماده

كزانوفا حبيبى
اخيرا عبرتنى
ميرسى ليك يا حبى على ردك الشيك والجميل دا
والحمد لله ان الموضوع عجبك
وانا عارف انك مضايق من الفسيخ زالبصل لإنك مشبتحبهم خالص
بس معلش بقى
ههههههههههههههههههههههههههههههههههه

موضوع: رد: شم النسيم الخميس أبريل 16, 2009 9:01 am

ههههههههههههههه

لاوالله ياحماده جامد الموضوع

موضوع شامل مش سايب حاجه

بس فى ايه انت وقعت ع متحف للبيض الملون

شوقتنا والله لليوم ده تسلم ايدك

موضوع: رد: شم النسيم الجمعة أبريل 17, 2009 4:12 pm

موصوع حلو

وكل سنه وعائله كازانوفا بخير

وتكتر وتكون احلى عيله

موضوع: رد: شم النسيم السبت أبريل 18, 2009 9:43 am

بجد بجد بجد

تويبك جاااااااااااااااااامد يا حماده

عيد شم النسيم وانتم كويسين يا رب

ونوكون مع بعض وبنحتفل بيه

موضوع: رد: شم النسيم الخميس أبريل 23, 2009 1:04 pm

nour 3iny كتب:: ههههههههههههههه

لاوالله ياحماده جامد الموضوع

موضوع شامل مش سايب حاجه

بس فى ايه انت وقعت ع متحف للبيض الملون

شوقتنا والله لليوم ده تسلم ايدك

ههههههههههههههههههههههههه
ميرسى لردك الجميل دا يا نونا
أتمنى انك تكونى قضيتى اليوم دا بسعاده

midoOo كتب:: موصوع حلو

وكل سنه وعائله كازانوفا بخير

وتكتر وتكون احلى عيله

ألف شكر يا ميدو على ردك
وأهتمامك بالموضوع
وربنا يتقبل منك

Bent El kamer كتب:: بجد بجد بجد

تويبك جاااااااااااااااااامد يا حماده

عيد شم النسيم وانتم كويسين يا رب

ونوكون مع بعض وبنحتفل بيه

يارب دايما مع بعض
وميرسى لردك يا بنت القمر
والحمد لله ان الموضوع عجبك

انا آسفه جدا جدا جدا يا حماده
لانى مش رديت على التوبيك قبل كدا
بس انت شور تعرف انى مش كنت فى المنتدى ولا كنت اشتركت فى الجروب من اصله
هو الموضوع شيق جدا
وعاوزة اقولك انى قضيت أحلى ايام شم نسيم فى حياتى كانت فى اليير دى