امانى افشه من حبيبها

يمان طه البداوي
2
2
2
]أنا عندي واحد وعشرين سنة تعرفت على شاب منذ سنتين عنده أربع وعشرين سنة. سبب اللقاء بينا إني كنت باخد كورسات وهو كمان كان بياخد نفس الكورسات بس أنا كنت باخد لوحدي وهو كان بياخد مع أصحابه. وبعد فترة تقابلنا بالصدفة وكنا أول مرة نتكلم مع بعض وفضلنا نتكلم لحد ما وصلنا وبعد ما وصلنا أعطاني رقم موبايله وأنا كمان من غير تفكير عطيته رقمي مع إني ما بعطيش رقمي لحد.. أو بمعنى أصح لشاب

فضلنا نتكلم على التليفون لحد ما سافر وبعد ما سافر كلمني من البلد اللي سافر ليها وأعطاني رقمه. ولحد دلوقتي بنتكلم مع بعض.. بس سؤالي هو دلوقتي مسافر بقاله تسعة شهور ولحد دلوقتي مش عارفة راسي من رجلي معاه. ومع ذلك كل ما يتقدم لي شخص أرفضه عشان خاطره. وأنا دلوقتي محطوطة قدام خيارين يا إما أوافق على العريس اللي متقدم لي دلوقتي أو أرفض ويكون فيه مشاكل بيني وبين والدي.

أنا محتارة.. أكلمه وأقول له على العريس ده ولا إيه؟ أنا محتارة.. أنا بحبه مش بس كده اللي بينا مش حب بل عشق.

أ.د

صديقتنا العزيزة في البداية بشكرك جدا على كلامك الحلو ده عن الموقع. وندخل في مشكلتك وأول سؤال أسأله لك أنتم كنتم بتتكلموا في إيه؟ كلام عادي وعابر كأي أصدقاء عن الشغل والدراسة وكده؟ ولا عنكم وعن ظروفكم؟ يعني كان الكلام عام ولا خاص؟ أعتقد من رفضك للشباب اللي بيتقدموا لك إن الكلام كان خاص وشخصي يبقى الحل إنك تسألي الشخص اللي أنت بتتكلمي معاه مباشرة وأخرتها إيه؟ إيه آخر العلاقة اللي بينكم؟ لو قال لك الزواج يبقى طالبيه بإنه يتقدم لك فورا واشرحي له الظروف اللي عندك في البيت وقولي له إنك بترفضي عرسان وإنه فيه واحد متقدم لك دلوقتي وطالبيه بإنه يعمل حاجة وادي له فرصة لأنه ممكن يقول لك كلام وتفاجأي بإنه مجرد كلام وإنه مش هيعمل حاجة.

قال لك إن اللي بينكم ده مجرد علاقة صداقة وتعارف والكلام ده، يبقى أنت عرفتي إيه آخر علاقتكم. وبكده تقدري أنت كمان تشوفي حياتك وتاخدي قرار بإنهاء العلاقة دي اللي هتبقى في الوقت ده مجرد لعب عيال وتضييع وقت لا أكتر ولا أقل. لازم تسأليه مباشرة واللي أهم من السؤال إنك ما تخدعيش نفسك وتعيشي نفسك في وهم كبير، أما بالنسبة لوالدك فلازم قبل ما تتكلمي معاه تكوني عرفتي نتيجة سؤالك للشخص ده لأنه لو قالك إن كل اللي بينكم انتهى لازم تروحي لوالدك وتقوليله على أسباب رفضك للعرسان اللي فاتوا يعني مثلا إنهم مش مناسبين أو إنك بتدوري على شخص محدد يتوافق مع طريقة تفكيرك ونصيحة لك سواء الشخص ده رد عليكي بإنه هيتقدم لك أو إنك تنسي الموضوع فلازم تتعاملي بمنطق معاه أو مع أي حد تاني متقدملك يعني الرفض لمجرد الرفض ده حاجة غلط أنت نفسك ما تعرفيش الشخص اللي أنت متعلقة بيه معرفة كافية المهم اسأليه واعرفي منه الإجابة.. ربنا معاكي وطمنينا عليكي.[]




من الاخصائى الاجتماعى البمومبير

على افكره الموضوع ده بيوضح نقطه مهمه جدا
وانا من راى انها تقبل العريس علشان هو بيلعب بيها مش بيحبها

هتقبلوا ازاى وهو مش بيحبها يا عمر

اكيد الى هيتقدم لواحده
هيكون بيحبها وعهجب بيها ولا ايه ياملك

اة طبعا بس المهم هى

والله هى تشوف قلبها دلها على ايه وتعمله
لان هى لو قبلت العريس وهى مش مقتنعه
هيكون له اثر سالبى بعدين
ويمكن تندم