النادى الاهلى عايز يخرب الكرة المصرية اكتر مهى خربانة

السلام عليكم ورحمة الله وبركاته

طبعاكلامى مش هايعجب ناس كتير اوى

بس هو دا الواقع وهى دى الحقيقه واللى مايشوفش من الغربال يبقى اعمى

انا مش عارف بصراحه النادى الاهلى عايز ايه بالظبط

مافيش لاعب الزمالك يكون بيتعاقد معاه غير ولازم ينصب شباكه عليه ويخطفه كالعاده من الزمالك باى سعر بغرض واحد بس

ان الزمالك مايستفدش منه ويبان ادام الرأى العام ان مافيش فى مصر غير الاهلى وبس

واحنا بقالنا فترة كبيرة مافيش صفقه الاهلى يعملها غير ولازم تكون مشبوهه

ودا بان فى الفترة الاخيرة كثيرا فى صفقه حسنى عبد ربه واحمد حسن ( المحله ) والقائمه تطول وحسين على اللى كان اقرب لتوقيعه للزمالك لولا د*** الاهلى فى الصفقه

ورفع سعر اللاعب اللى انا متاكد انه مش هايلعب طول وجوده فى الاهلى وهيصاحب الدكه زى غيرو كتير

وكل اللى عمله الاهلى انه مخلاش الزمالك يستفيد من اللاعب وبالتالى فهو بيموت اللاعب

وفى الفترة الاخيرة وبعد توقيع هانى سعيد على عقود رسميه مع النادى الزمالك ووصول الاستغاناء الخاص بالاعب لنادى الزمالك

دخل برضو الاهلى عشان يفسد الصفقه وعايز ياخد اللاعب طب حد يقولى ازاى عايزين ياخدوه وهو مضى اساسا للزمالك

وحتى لو زى ما اشيع ان العقود اتسرقت يبقى مافيش غير الاهلى ورا الموضوع دا واكيد اغرو اللاعب بالفلوس عشان ياخد العقود

ويطلع على الاهلى عشان يمضى هناك بس طبعا دا لو حصل يبقى الاعب هايتوقف ويبقى ولا لعب فى الزمالك ولا اى نادى تانى

فى النهايه عايز اقول ان بكدا النادى الاهلى فعلا بيخرب الكرة فى مصر اكتر ما هى خربانه

واللى بيعملو الاهلى دا ليس له علاقه بالرياضه تماما

ولابد ان يكون هناك وقفه ضد ما يفعله الاهلى

واحب ان اقول ايضا ان لو هانى سعيد راح الاهلى وانا استبعد هذا مش هانشوف المرة دى نعش ولا الحاجات دى

هانشوف حاجات جديده خالص وربنا يستر

وشكرا

يعنى اية الاهلى بقى الزمالك زمالك يا عمرو ميهمنيش ردك علشان بس انت اهلاوى عادى يعنى الزمالك زمالك برضة

ايه يا جماعه انتوا بتتكلموا فى ايه دة نادى الاهلى
يعنى الاهلى اهلى وعندى الدليل
وكمان هثبت ان الزمالك هو اللى خربها
اولا محمود فتح الله كان وقع للاهلى وجه الزمالك وخربها
ثانيا شريف اشرف كان من ناشئى الاهلى وجه الزمالك وخربها
ثالثا عبد الكريم النفطى بعد ماعدلى القيعى اتكلم مع الصفاقصى جه الزمالك وخربها
ربعا ابراهيم سعيد كان بيعيط عشان يجى الاهلى جه الزمالك وخربها
خامسا وحسنى عبد ربه كان عايز يجى الاهلى وكان مضى اعاره للاهلى جه الزمالك وخربها
والدليل ان الاهلى اهلى
بالبطولات والتاريخ هو اللى هيتكلم
البطولات102 بطوله
32 بطوله دورى عام
35 بطوله كأس مصر
5 بطولات افريقيه للانديه الابطال 82و87و2001و2005و2006
4 بطولات افريقيه للانديه ابطال الكئوس 84و85و86و93
1 بطوله عربيه للانديه ابطال الدورى عام 1996
1 بطوله عربيه للانديه ابطال الكئوس عام 1995
2 بطوله نخبه عربيه "السوبر" عامى 97و98
3 بطولات سوبر افريقى اعوام2002و2006و2007
1 بطوله افرو اسيويه عام 1989
1 بطوله كأس الاتحاد التنشيطيه عام1989
4 بطولات كأس السوبر المصرى اعوام 2003و2005و2006و2007
1 بطوله كأس الجمهوريه العربيه المتحده عام 1961
5 بطولات دورى منطقه القاهره اعوام 39و42و43و48و50
7 بطولات كأس السلطان اعوام 23و25و26و27و29و31و38
عشان كدة الاهلى اهلى فييييييين الزمالك من كل دة يا جماعه
على راى عصام الشوالى: لو لم اكن اهلاويا لودت ان اكون اهلاويا
الكره المصريه قطب واحد مش قطبين زى ما بنسمع(المارد الاحمر)
التاريخ هو اللى يتكلم
مع تحيات .........(حماده) عاشق الاهلى

يا ابو الكباتن انت محسسنى ان لو اللعيبة دول راحو الزماالك الزمالك هيرجع زى الاول طيب انت مهو عندك محمد عبدلله راح الزمالك شفنا منة اية وهانى سعيد الراجل بيلعب منغير نفس وبقرف من الى شيفو هناااااك فا خلى الطابق مستور وبلاش نتكلم عن الزمالك كتير ولله الزمالك فية ناس كتير لاعيبة جامد جمال حمزة -شيكابلا-اجوجو -ايمن عبد العزير-شريف اشرف -وغيرهم كتيررررررررررررررر قلى انت بقى العيب فى مين الله اعلم فا بلاش الاهلى عاوز يخرب اندية مصر والكلام الكبير دة وبلاش حد يخرجنا عن فرحة الاهلى بلكأس ومبررررررررررررروك لمصر ومبروك للزمالك والاهلى وكل مصر ومفيش غير اننا ندعى للزمالك ربنا معااااااااااااااااااااك يا زمالك ويكون فى عون كل زملكاوى لسة عايش وفية الروح