ذكاء الصعايده

زهقت الصعايدة من ان الناس تستهزأ بيهم فراحوا تلاته منهم للريس و اشتكوله قالهم طيب أنا هأسألكم كام سؤال كده لو عرفتم الحل هاسجن اللي يضحك عليكم بعد كده قالوله ماشي قالهم : في غزوة بدر مين انتصر ؟ قام واحد منهم قايل المسلمين طبعا يا ريس فقله مانت حلو اهه طيب مين بقى اللى كسب في مطش الأهلي و الزمالك؟ قام صاحبنا التاني قايل الأهلي يا ريس فراح الريس قاله حلو جدا انا ها................ فراح صاحبنا الثالث مقاطعه و قال: أفهم من كدة يا ريس أن الكفار و الزمالك هيلعبوا على التالت و الرابع؟!!!!!!!

سالوا واحد صعيدى ايه هو السيفون ؟ قال حبل تشده يا تلحق تشرب يا متشربش

واحد صعيدى دخل محل أجهزة كهربائية قال للبياع : بكام وحياة ابوك الغسالة دى؟؟....رد البياع وقال له : امشى..احنا ما بنبعش حاجة للصعايدة
راح له تانى يوم متنكر ولابس خواجه وقال له : بكام يا خبيبى الغسالة دى؟؟...قال له: ما انا قلت لك ما بنبعش حاجة للصعايدة
راح له تالت يوم لابس خليجى وقال له : شو بتسوى ها الغسالة يا خوى؟؟...قال له : ياعم قلت لك ما بنبعش للصعايدة
قال له: خلاص انا مش عايز اشتريها ..بس قل لى انت بتعرفنى كل مرة ازاى؟؟؟؟؟
قال له : اصل ده تكييف مش غسالة

واحد صعيدى دخل الجيش فالقائد قال له : لو لقيت العدو جاى عليك تروح مطلع القنبلة وتشد الفتيل وترميها عليهم...قال له : تمام يافندم.......................وبعد اسبوع قامت الحرب فأخينا لقى العدو جاى ناحيته راح مطلع القنبلة وشد الفتيل..ولسه هايحدفها لقاهم رجعوا....قام حاططها فى جيبه وقال : آه يا جبنا

صعيدى سافر السعودية فبعت لامه كيلو شيكولاتة بعد يومين كلمته قالتله :الصابون اللى انت باعته بيوسخ الهدوم




ملحوظه الصعايده اجدع ناس
اوعى حد يزعل منى

والله ده ظلم

هو مفيش غير الصعايده

والله الصعايده دول غلابه مع الشعب المصرى

nice amr

شكلك كدا منهميا ندى

لا يا عم النكت دي ملهاش اي حل ولو انتي منهم يا ندي متزعليش بجد احنا بنهزر

الله الله فيه أيه

انا صحيح مش منهم بس قلبى معاهم

وكفايه كده أصل أبلغ عن المنتدى وعن عمرو شويه صعايده كده

ماشى

والهزار مقبول ياجماعه

على فكره انا نصى صعيدى ونصى اسكندرانى
وعلى فكره الصعايده دول اجدع ناس